fbpx

Etiket vir vandag

R250.00

Eerste indrukke word bepaal deur hoe jy kommunikeer. Die sielkundige Albert Mehrabian het die belangrikheid van die drie elemente van kommunikasie in persentasies uitgedruk:

Nieverbaal: 55%

Jou stemtoon: 38%

Jou woorde: 7%

Jy word dus op jou baadjie getakseer!

Goeie maniere en etiket is vandag noodsaakliker as ooit. Hoewel “dankie”, “verskoon my”, “asseblief” en “aangename kennis” vandag steeds korrek is, is dit nie meer voldoende in ons vinnig veranderende wêreld nie.

“’n Boom word aan sy vrugte geken, ’n mens aan sy dade.
Hy wat hoflikheid saai, pluk vriende, en hy wat
gaafheid plant, versamel liefde.”

– Basilius die Grote

Goeie maniere en bedagsaamheid maak deure oop, en etiket gee duidelike riglyne en reëls wat ’n persoon gemaklik laat voel. Waar hierdie reëls vroeër dae by die huis aangeleer is, gebeur dit vandag maar selde. Iemand moet dit weer vir ons leer.

As jy eers weet dat wat jy doen en hoe jy optree, korrek is, sal jy gemakliker voel. Dit bevorder selfvertroue en verbeter sodoende menslike verhoudings. En daar is ’n bonus: Navorsing het bewys dat dit enige mens ’n voorsprong in die lewe gee en groot geleenthede skep.

Etiket is ’n konvensionele gedragskode met reëls en voorskrifte vir hoflike en beskaafde optrede teenoor ander in die samelewing. Die woord beteken letterlik “kom die reëls na”.

Protokol behels etiket op plaaslike en internasionale vlak, en die beoefening van goeie maniere op ’n daaglikse basis. Dit is ’n belangrike komponent van die diplomatieke praktyk en hou verband met die geskiedenis, koninklikes, godsdiens, kultuur en taal.

Goeie maniere is eenvoudig bedagsaamheid wat “van binne jou” kom en deel word van ’n liefdesdaad vir jou naaste.

Etiket, daarenteen, kan enige tyd van jou lewe aangeleer word. Dit maak nie saak wie of wat jy is nie, en dit maak nie saak hoe oud jy is nie. Die aange-leerde reëls word dan deel van jou “persoonlike rykdom”. As jy eenkeer geleer het, weet jy mos en kan jy die wêreld met selfvertroue in die oë kyk!

Ons lewe in ’n veranderde wêreld: Die “groot wêreld” waarin ons ons vandag bevind, het letterlik in ’n klein gemeenskapsdorpie verander, en kennis van die ou tradisies het plek gemaak vir vernuwende denke.

 

Die oorsprong van etiket

Die woord “étiquette” het eeue gelede in Frankryk letterlik “bly van die gras af” beteken.

Die tuinier van die Franse koning Lodewyk XIV het opgemerk dat die aristo-krate gedurig op die gras in die tuin van die Paleis van Versailles loop en het oral tekens of “etikette” laat opsit om mense van die gras af te hou. Die koning het opdrag gegee dat geen persoon verby die grense van die étiquette mag gaan nie.

Die betekenis van “étiquette” sou later heel gepas ook kaartjies na funksies insluit, sowel as lang lyste instruksies oor waar ’n persoon mag staan en wat hy/sy moet doen en nie doen nie.

Alles word daagliks so vinnig deur die nuwe tegnologie verander dat ons as ’t ware in die kuberruimte leef. Daar is nou kitskommunikasie, kitsfoto’s, kitsnuus, kitskos … en nog ’n string allerhande ander kitsveranderinge. En tog is daar bewys dat goeie maniere en etiket ons steeds help.

Die belangrikheid van goeie maniere en etiket was trouens nog nooit meer van toepassing as nou nie. Hierdie kennis is dus onmisbaar vir die moderne mens, en veral vir die vrou, wat soveel veelsydige rolle in vandag se samelewing moet vervul – as eggenote of alleenloper, in baie gevalle as enkelouer en broodwinner, dan ook as ma, dogter, suster, ouma, tuisteskepper, sakevrou, reisiger, welsynswerker, kommunikeerder en nog stringe meer!

Vir die hedendaagse man in ’n wêreld wat soveel meer mededingend geword het, is etiket goud in die hand.

Vir die tiener en jongmens wat nog hul plekkie in die samelewing moet vestig, is kennis van etiket ook goud werd.

Hierdie boek sal vir jou ’n sinopsis en kitsnaslaanwerk word wat sal sorg dat jy altyd inligting oor goeie maniere en die korrekte etiket byderhand het – in jou persoonlike lewe en verhoudings, en as rolspeler in die nasionale en internasionale wêreld.

 

Protokol

Protokol het uit ou tradisies ontstaan. In die eerste dae van die beskawing het dit eintlik net bestaan uit die gasvryheid wat by die aankoms van ’n gas betoon moes word. Maar vandag is dit veral belangrik omdat dit nie net betrekking het op die seremoniële reëls wat tydens amptelike funksies nagekom moet word nie, maar ook op mense se optrede by hierdie spesiale geleenthede.

Protokol bied dus ook ’n stel gevestigde reëls oor hoflikheid en respek teenoor ander in die internasionale samelewing.

Goeie maniere weerspieël jou karakter. Dit kom “van binne” en beteken as ’t ware goedheid of bedagsaamheid teenoor jou medemens. Onthou, selfs bedag-saam-heid kan aangeleer word. Jy kan weer leer om ander te respekteer en met deernis en goedheid te behandel. Dit alles help jou om die belangrikste lewensdoelwit te bereik, naamlik om lewenslange verhoudings, goeie verhoudings, te kweek met almal met wie jy in aanraking kom. Dit is tog waaroor die lewe gaan. Maak die lewe ’n fees!

Elke mens kan blom waar hy geplant is!

Meer as 300 jaar gelede het die filosoof Galileo die volgende stelling gemaak:

“’n Mens kan ’n ander niks leer nie, maar slegs die persoon help om dit binne homself te ontdek.”

Kom ontdek saam met my!

Anne Dreyer

Maart 2019

2 in stock

Description

 

Teikenmark: Vir die Moderne Afrikaanssprekende.  Ook vir die wat in die buiteland woon.

Goeie maniere maak deure en harte oop, en die is n tydige en bruikbare gids vir die modern era van etiket!

Hierdie handige gids is ontbeerlik vir almal wat beskaafdheid belangrik ag.

Hierdie is ‘n splinternuwe gids vir die moderne Afrikaanssprekende, een met duidelike riglyne wat die leser in enige sosiale omgewing sal laat veilig voel.

Onderwerpe wat onder die loep kom sluit in tafeletiket, onthale, reisetiket, selfone – en sosialemedia etiket. Jou voorkoms by die werk, vir die enkellopende wat ‘n lewensmaat soek, die tuisteskepper wat gaste moet onthaal of vir die jongmens wat werk soek. Vir die sakeman wat die koörporatiewe leer wil uitkilm, en nog baie meer.

Anne Dreyer is n professionele spreker en skrywer oor voorkoms en etiket, met internasionale toekennings vir seminare en opleidingskursusse oor etiket en protokol. Sy is die stigter van Colourworks International, ‘n opleidingsakademie vir vookoms en etiketkonsultante en lei konsultante wêreldwyd op. With her warm personality and tangible style, she infects her audiences as she trains and inspires them from her personal life experience as a successful businesswoman, and entrepreneur. Anne was nominated Business Women of the year and voted the most successful female speaker by her co-speakers, PSASA KZN, founded both Colourworks International, South Africa first Make Over Salon, as well as the first Image Consultants Training Academy- who trains image consultants from all over the world, with branches throughout South Africa as well as Singapore and Australia.

Additional information

Weight 500 kg
Dimensions 200 × 145 × 3 cm

Reviews

There are no reviews yet.

Only logged in customers who have purchased this product may leave a review.

You cannot copy content of this page